Habitarual | nós

QUE É

HABITA RURAL

É un proxecto de intervención comunitaria financiado pola Consellería de Política Social da Xunta de Galicia e desenvolvido por Ecos do Sur
nos concellos de Xermade, Muras e Ourol, e que pretende abordar a doble problemática da exclusión social nas cidades do abandono de zonas rurais que teñen un importante potencial produtivo, xerando unha solución conxunta.

Cremos que o envellecemento, illamento e despoboamento do rural galego poden ter unha vía de solución no encaixe coas
necesidades de inserción laboral e habitacionais de moitas persoas en situación de vulnerabilidade coas que traballa Ecos do Sur, e que residen en cidades nas que se producen grandes bolsas de exclusión.

Para isto, entre abril e decembro de 2021 desenvolvemos as seguintes accións:

Captación de persoas:

Identificación persoas en situación de vulnerabilidade coa vontade e os coñecementos mínimos para desenvolver a súa actividade económica ou incorporarse ao emprego no rural. Trátase dunha gran oportunidade para o fomento do relevo xeracional e de rexurdimento do rural en termos produtivos e socioeconómicos. para desenvolver a súa actividade económica ou incorporarse ao emprego no rural.

Desenvolvemento de xornadas divulgativas do proxecto e de captación de persoas interesadas en trasladar a súa residencia e actividade económica ao rural.

Acceso á vivenda e aos recursos productivos:

Indentificación de axentes clave e creación dunha rede de colaboración entre eles, que permita facilitar e dinamizar o acceso á vivenda, as terras e recursos productivos e ao emprego na zona de referencia, para as persoas interesadas en instalarse no rural.

Identificación e mapeo dos recursos habitacionais e pontencialmente produtivos, así como propietarias e propietarios deles na zona de referencia.

Creación dunha bolsa de vivendas e recursos potencialmente produtivos piloto. Nesta bolsa encadraranse os recursos habitacionais dispoñibles coas súas principais características e requirimentos.

Creación dun catálogo de necesidades e oportunidades de emprendemento na zona de referencia, de xeito que as iniciativas que poidan desenvolver no futuro as persoas beneficiarias alimente o desenvolvemento do territorio.

Dinamización

Encontro entre persoas en situación de vulnerabilidade interesadas en trasladar a súa residencia e actividade ao rural cos axentes clave e os habitantes orixinais da zona de referencia.